शुरु अत्यन्त करुणामय परम दयालु अल्लाहको नामबाट
१. अल्लाहले बल र दया बिना काफिरहरूको प्राण निकाल्ने फरिश्ताहरूको कसम खानुभयो ।
२. बिस्तारै र सहजताका साथ मोमिनहरूको प्राण निकाल्ने फरिश्ताहरूको कसम खानुभयो ।
३. अल्लाहको आदेशले आकाशबाट पृथ्वी आउने फरिश्ताहरूको कसम खानुभयो ।
४. अल्लाहको आदेशलाई पूरा गर्नको लागि प्रतिस्पर्धा गर्ने फरिश्ताहरूको कसम खानुभयो ।
५. अल्लाहको आदेशलाई लागु गर्ने फरिश्ताहरू जस्तै भक्तहरूको क्रियाकलापहरूको जिम्मेवारी पाएका फरिश्ताहरूको कसम खानुभयो । उनीहरूलाई हिसाब लिन र बदला दिनको लागि उहाँले यी सबैको कसम खाए ।
६. त्यसदिन पहिलो पटक नरसिङ्गामा फुकिने बेला धर्ती काम्नेछ ।
७. यसपछि दोस्रो पटक नरसिङ्गामा फुकिनेछ ।
८. त्यसदिन केही मानिसहरूका हृदयहरू डरले काम्नेछन् ।
९. उनीहरूको आँखामा अपमान देखिनेछ ।
१०. उनीहरूले भन्नेछन्- मरेपछि के हामी फेरी जीवित हुनेछौं त ?!
११. के हाम्रो हड्डीहरू सडि सकेपछि पनि हामी फर्कने छौं ?
१२. उनीहरूले भनेः यदि हामी फर्क्यौं भने त्यो फर्कनु घाटा हुनेछ र फर्कनेमाथि अत्याचार हुनेछ ।
१३. पुनः जीवित पार्ने काम सरल रहेको छ । नरसिङ्गामा फुक्ने जिम्मेवारी दिइएको फरिश्ताको त्यो एउटा मात्र फुँक हुनेछ ।
१४. मरेर धर्ती भित्र रहेका मानिसहरू जीवित भएर धर्तीमाथि आउनेछन् ।
१५. हे रसूल (सल्लल्लाहु अलैहि व सल्लम) ! मूसा (अलैहिस्सलाम) र उनको पालनकर्ता र उनको शत्रु फिर्औनको साथको कथा तपाईंसमक्ष आयो ?!
१६. जब उनको पालनकर्ताले उनलाई पवित्र उपत्यका तुवामा बोलाउनुभयो ।
१७. उहाँले भन्नुभयोः फिर्औन कहाँ जाऊ किनकि उसले अत्याचारमा र घमण्डा सीमा उल्लङ्घन गरेको छ ।
१८. उनले उसलाई भनेः हे फिर्औन ! के तिमी कुफ्र र पापलाई छोडि पवित्र हुन चाहन्छौ ?
१९. तिमीलाई म तिम्रो पालनकर्तातिर मार्गदर्शन गर्नेछु जसले तिम्रो सृष्टि गर्नुभयो र तिम्रो सुरक्षा गर्नुभयो तसर्थ उहाँसँग डराऊ । तसर्थ उहाँलाई प्रसन्न पार्ने काम गर र उहाँको क्रोध बल्झने कामबाट बच ।
२०. अनि मूसा (अलैहिस्सलाम) ले उनी उनका पालनकर्ताको रसूल भएको कुराका ठूला ठूला निशानीहरू उसलाई देखाए । ती निशानीहरू हात र लौरोका निशानीहरू हुन् ।
२१. तर फिर्औनले ती निशानीहरूलाई नकार्यो र मूसा (अलैहिस्सलाम) ले भन्नुभएको कुरालाई मानेन ।
२२. अनि अल्लाहको अवज्ञा गरी र सत्यको विरोध गरी मूसा (अलैहिस्सलाम) ले ल्याएको कुरामाथि उसले आस्था राखेन ।
२३. अनि उसले मूसा (अलैहिस्सलाम) को विरोधमा आफ्नो समुदायलाई र अनुयायीहरूलाई भेला पर्यो र भन्योः
२४. म तिमीहरूको उच्च पालनकर्ता हुँ । मबाहेक तिमीहरूमाथि अरूको अनुसरण छैन ।
२५. तसर्थ अल्लाहले उसलाई समात्नुभयो, समुद्रमा डुबाएर उसलाई यस संसारमा सजाय दिनुभयो र आखिरतमा कठोर यातनामा पारी उसलाई यातना दिनुहुनेछ ।
२६. वास्तवमा संसारमा र आखिरतमा उसको यातना अल्लाहको डर राख्नेको लागि उपदेश हो । अनि ऊ नै उपदेशहरूबाट फाइदा लिन्छ ।
२७. हे झूठाहरू ! पुनः जीवित पार्नको निम्ति तिमीहरूको सृष्टि अल्लाहलाई कठीन रहेको छ वा आकाशको ? त्यो उहाँले नै बनाएका हुन् ।
२८. उहाँले त्यसको माथिल्लो भागलाई उच्च पार्नुभयो र त्यसलाई पूर्ण रूप दिनुभयो । त्यसमा कुनै प्रकारको चिरा र अवगुण छैन ।
२९. सूर्यास्त भएपछि त्यसको रातलाई अन्ध्यारो हुन्छ र सूर्योदयपछि प्रकाशमय हुन्छ ।
३०. उहाँले आकाशको सृष्टिपछि पृथ्वीलाई विस्तार गर्नुभयो र यसमा सबै लाभदायक चीजहरू राख्नुभयो ।
३१. उहाँले यसबाट बगिरहने पानीको स्रोत बनाउनुभयो र यसमा बोटबिरूवा उमार्नुभयो जसलाई जनावरहरू चर्ने योग्य बनाउनुभयो ।
३२. पहाडहरूलाई धर्तीमा स्थिर बनाउनुभयो ।
३३. हे मानिसहरू ! यो तिमीहरूको लागि र तिमीहरूका जनावरहरूको लागि फाइदाजनक रहेको छ । जसले यी सम्पूर्ण कुराहरूको सृष्टि गर्नुभयो यसलाई पुनः सृष्टि गर्नु उहाँ असक्षम हुनुहुन्न ।
३४. जब दोस्रो पटक नरसिङ्गामा फुकिनेछ त्यसबाट सबै डराउनेछन् र कयामत आउनेछ ।
३५. कयामतको दिन मानिसले आफूले गरेका राम्रा र खराब कर्महरूलाई सम्झनेछ ।
३६. अनि नर्कलाई ल्याइनेछ र प्रत्येक देख्नसक्नेलाई त्यो प्रकट गरिनेछ ।
३७. जसले पथभ्रष्टतामा सीमा उल्लङ्घन गर्यो ।
३८. नष्ट हुने संसारको जीवनलाई सधैं रहने आखिरतको जीवनमाथि प्राथमिकता दियो ।
३९. तसर्थ ऊ आफ्नो निवास नर्कतिर जानेछ ।
४०. अनि जो आफ्नो पालनकर्तासमक्ष उपस्थित हुन डराउँछ र अल्लाहले अवैध गरेका कुराहरू गर्नबाट बच्छ भने ऊ आफ्नो निवास स्वर्गतिर जानेछ ।
४१. अनि जो आफ्नो पालनकर्तासमक्ष उपस्थित हुन डराउँछ र अल्लाहले अवैध गरेका कुराहरू गर्नबाट बच्छ भने ऊ आफ्नो निवास स्वर्गतिर जानेछ ।
४२. हे रसूल (सल्लल्लाहु अलैहि व सल्लम) ! यी झूठाहरू तपाईंसित पुनः जीवित पारिने विषयमा सोध्छन्- कयामत कहिले आउनेछ ?
४३. उनीहरूलाई यस विषयमा सूचित गर्नको लागि तपाईंलाई यसको ज्ञान छैन । यो तपाईंको कर्तव्य होइन । वास्तवमा तपाइँको कर्तव्य यसको लागि तयार हुनु हो ।
४४. यसको ज्ञान तपाईंको पालनकर्तासँग मात्र छ ।
४५. तपाईं त कयामतसँग डराउनेलाई सचेत गर्ने मात्र हुनुहुन्छ किनकि यसले नै तपाईंले सचेत गर्नुभएकोबाट लाभ लिनेछ ।
४६. जब यिनीहरूले आफ्नै आँखाले कयामतलाई देख्नेछन्, उनीहरूले संसारमा रात वा दिनको केही प्रहर मात्र बिताएका थिए भन्ने उनीहरूलाई लाग्नेछ ।
टिप्पणियाँ
एक टिप्पणी भेजें