शुरु अत्यन्त करुणामय परम दयालु अल्लाहको नामबाट
१. उहाँले सूर्य, चन्द्र र अन्य ग्रहहरूको कक्ष भएको आकाशको कसम खानुभयो ।
२. अल्लाहले सृष्टिहरूलाई भेला पार्ने बाचा गर्नुभएको कयामतको दिनको कसम खानुभयो ।
३. अनि नबी (सल्लल्लाहु अलैहि व सल्लम) जस्तै आफ्नो समुदायको गवाही दिनेहरू र यस समुदाय जस्तै अरू समुदायहरू जो आफ्ना नबीहरूको गवाही दिन्छन्, दुबै पक्षको कसम अल्लाहले खानुभयो ।
४. जमीनमा ठूलो खाडल बनाउनेहरूमाथि धिक्कार होस् ।
५. त्यसमा आगो दन्काए र त्यस आगोमा जीवित मोमिनहरूलाई फाले ।
६. उनीहरू आगोले भरिएको खाडलको छेउमा बसे ।
७. उनीहरू मोमिनहरूमाथिको यातना र पीडाको स्वयं नै साक्षी हुन् किनकि उनीहरू त्यहाँ उपस्थित थिए ।
८. ती काफिरहरूले मोमिनहरूलाई शक्तिशाली अल्लाहमाथि उनीहरूको आस्थाको लागि दोषी ठहर गरे । उहाँलाई कोही पनि पराजित गर्न सक्दैन । उहाँ हरेक कामको लागि प्रशंसित हुनुहुन्छ ।
९. आकाशहरू र पृथ्वीको मालिक उहाँमात्र हुनुहुन्छ । उहाँ हरेक कुराबाट अवगत हुनुहुन्छ र उहाँका भक्तहरूका कुनैपनि कुरा उहाँबाट लुकेको छैन ।
१०. वास्तवमा, मोमिन पुरूष र महिलाहरूलाई एक मात्र अल्लाहमाथि आस्था राख्नबाट हटाउनको लागि आगोको यातना दिनेहरू र आफ्ना पापहरूबाट अल्लाहसमक्ष पश्चाताप नगर्नेहरूलाई कयामतको दिन नर्कको यातना दिइनेछ र उनीहरूलाई त्यस्तो आगोको यातना दिइनेछ जसले उनीहरूलाई जलाउनेछ । उनीहरूले मोमिनहरूलाई आगोले जलाएको बदलामा उनीहरूलाई यो यातना दिइनेछ ।
११. वास्तवमा, अल्लाहमाथि आस्था राख्नेहरू र सत्कर्म गर्नेहरूका लागि यस्ता बगैंचाहरू रहेका छन् जसका महलहरू र रूखहरूको मुनितिरबाट नदीहरू बगिरहेका हुनेछन् । यही त्यो बदला हो जुन उनीहरूका लागि तयार पारेर राखिएको हो । यो ठूलो सफलता हो र यस समान अरू कुनै सफलता छैन ।
१२. हे रसूल (सल्लल्लाहु अलैहि व सल्लम) ! वास्तवमा, तपाईंको पालनकर्ताले अत्याचारीहरूलाई यद्यपि ढिलाइ गर्नुभएपनि उहाँको पकड अत्यन्तै कडा रहेको छ ।
१३. उहाँले नै प्रथम पटक सृष्टि र यातनाको प्रारम्भ गर्नुहुन्छ र त्यसलाई पुनः दोहोऱ्याउनुहुनेछ ।
१४. अनि पश्चाताप गर्ने उहाँका भक्तहरूलाई उहाँ क्षमा गर्नुहुन्छ किनकि उहाँ आफ्ना ईशभय राख्ने मित्रहरूलाई प्रेम गर्नुहुन्छ ।
१५. उहाँ महान सिंहासनको मालिक हुनुहुन्छ ।
१६. उहाँ जसलाई जाहनुहुन्छ उसको पापहरूलाई क्षमा गर्नुहुन्छ र जसलाई चाहनुहुन्छ दण्ड दिनुहुन्छ । उहाँलाई कसैले पनि जबरदस्ती गर्न सक्दैन ।
१७. हे रसूल (सल्लल्लाहु अलैहि व सल्लम) ! के तपाईंले ती सैनिकहरूको समाचार पाउनुभयो जसले सत्यसँग लडे र त्यसमा बाधा पुर्याएका थिए ?!
१८. फिर्औन, समद र सालिह (अलैहिस्सलाम) को समुदाय ।
१९. झूठो ठहर गर्नेहरू र उनीहरूको विनाशको समाचार नआउनु तिनीहरूलाई आस्था राख्नबाट रोक्ने कारण होइन बरू आफ्नो इच्छालाई पछ्याउनु नै उनीहरूको रसूल (सल्लल्लाहु अलैहि व सल्लम) ले ल्याउनुभएको सन्देशलाई झूठो ठहर गर्नुको कारण हो ।
२०. अल्लाहले उनीहरूको कर्महरूलाई घेरेर राख्नुभएको छ, त्यसबाट कुनै कुरा पनि उहाँबाट लुकेको छैन र त्यस अनुसार नै उनीहरूलाई बदला दिइनेछ ।
२१. झूठाहरूले भने जस्तै यो कुरआन कविता र श्लेष होइन बरू यो महान कुरआन हो ।
२२. जुन लौहे मह्फूज (सुरक्षित पेटिका) मा छ जुन परिवर्तन, षड्यन्त्र, र त्यसबाट कुनै कुरा घट्न र त्यसमा थप्नबाट सुरक्षित रहेको छ ।
टिप्पणियाँ
एक टिप्पणी भेजें