पवित्र कुरआनको संक्षिप्त व्याख्या (नेपाली भाषामा अनुवादित)

शुरू अत्यन्त करुणामय परम दयालु अल्लाहको नामबाट  १. अल्लाहले दिनको प्रारम्भको कसम खानुभयो । २. अल्लाहले रातको कसम खानुभयो जब त्यो अन्धकार ल्याउँछ र मानिसहरू क्रियाकलापहरू बन्द गर्छन् । ३. हे रसूल (सल्लल्लाहु अलैहि व सल्लम) ! वही आउन समय लागेकोमा मुश्रिकहरूले भनेझैं तपाईंको पालनकर्ताले तपाईंलाई एक्लै छोड्नुभएको छैन र तपाईंसँग रिसाउनुभएको पनि छैन । ४. तपाईंको लागि संसारभन्दा आखिरत नै उत्तम रहेको छ किनकि त्यसहाँ कहिल्यै समाप्त नहुने कृपा रहेको छ । ५. उहाँले तपाईंलाई र तपाईंको समुदायलाई पर्याप्त मात्रामा प्रतिदान प्रदान गर्नुहुनेछ अनि तपाईं त्यसबाट सन्तुष्ट हुनुहुनेछ । ६. उहाँले तपाईंलाई सानो छँदा पाउनुभयो जब तपाईंको बुबा बितिसकेका थिए । अनि तपाईंलाई शरण प्रदान गर्नुभयो । तपाईंमाथि तपाईंको हजुरबुबा अब्दुल् मुत्तलिबले अनि उनीपछि तपाईंको काका अबू तालिबले दया गरे । ७. तपाईंलाई किताब र आस्था के हो भन्ने कुरा थाहा नहुँदा उहाँले तपाईंलाई पाउनुभएको थियो । अनि तपाईंलाई थाहा नभएका कुराहरू उहाँले तपाईंलाई सिकाउनुभयो । ८. उहाँले तपाईंलाई निर्धन पाउनुभयो अनि तपाईंलाई धनी बनाउनुभयो । ९. बच्चा छँ...

शुरू अत्यन्त करुणामय परम दयालु अल्लाहको नामबाट १. वास्तवमा , अल्लाहले तपाईंको छाती खोलिदिनुभयो र तपाईंलाई वही प्राप्त गर्न मन पराउने बनाउनुभयो । २. अनि हामीले तपाईंलाई पापबाट मुक्त गरेका छौं । ३. यस बोझले तपाईंलाई यति थकायो मानौं तपाईंको ढाड भाँचिरहेको थियो । ४. हामीले तपाईंको चर्चालाई तपाईंको लागि उच्च पार्यौं । तसर्थ तपाईंको नामको चर्चा अजान, इकामह र आदिमा हुन थाल्यो । ५. वास्तवमा , कठिनाइ र दु:ख पछि राहत र सुख रहेको छ । ६. वास्तवमा , कठिनाइ र दु:ख पछि राहत र सुख रहेको छ । यदि तपाइँ यसमा अडिनुभयो भने तपाइँको समुदायको कष्टले तपाईंलाई दुःखी पार्न सक्नेछैन र अल्लाहतिर आह्वान गर्नबाट रोक्न सक्नेछैन । ७. तपाईंले आफ्ना कामहरूबाट फुर्सत पाएपछि आफ्ना पालनकर्ताको उपासनामा एकाग्र भएर लाग्नुहोस् । ८. अनि आफ्नो इच्छा र उद्देश्यलाई केवल अल्लाहका लागि बनाउनुहोस् ।

शुरू अत्यन्त करुणामय परम दयालु अल्लाहको नामबाट  १. अल्लाहले अञ्जीर र त्यसको बिरूवा उम्रने ठाउँको कसम खानुभयो । अनि जैतुन र यो उम्रनो ठाउँ फिलिस्तिनको कसम खानुभयो जहाँ उहाँले ईसा (अलैहिस्सलाम) लाई पठाउनुभएको थियो । २. अनि सीना पहाडको कसम खानुभयो जसको नजिकमा उहाँले मूसा (अलैहिस्सलाम) सँग कुरा गर्नभएको थियो । ३. अनि उहाँले पवित्र नगर मक्काको कसम खानुभयो जहाँ प्रवेश पाउने सुरक्षित रहन्छ र त्यहाँ उहाँले मुहम्मद (सल्लल्लाहु अलैहि व सल्लम) लाई पठाउनुभयो । ४. हामीले मानुष्यलाई सबैभन्दा उत्तम संरचनामा र उत्तम छविमा सिर्जना गरेका छौं । ५. त्यसपछि हामीले उसलाई संसारमा वृद्ध र कमजोर अवस्थामा पुर्यायौं । अनि ऊ आफ्नो मानव शरीरले फाइदा लिन असमर्थ हुन्छ जसरी आफ्नो प्रकृतिलाई दूषित पारेपछि ऊ त्यसबाट फाइदा लिन सक्दैन र नर्कमा जान्छ । ६. अल्लाहमाथि आस्था राख्ने र सत्कर्म गर्नेहरूबाहेक किनकि जब उनीहरू बुढा हुन्छन् उसको लागि कहिले समाप्त नहुने पुण्य रहेको छ र त्यो स्वर्ग हो । वास्तवमा, उनीहरूले आफ्नो प्रकृतिलाई पवित्र पारेका छन् । ७. हे मानिसहरू हो ! तिमीहरूले उहाँको शक्ति...

शुरू अत्यन्त करुणामय परम दयालु अल्लाहको नामबाट १. हे रसूल (सल्लल्लाहु अलैहि व सल्लम) ! अल्लाहले तपाईंतिर वही गर्नुभएको कुरालाई पढ्नुहोस् । शुरूमा आफ्नो पालनकर्ताको नामको उच्चारण गर्नुहोस् जसले सृष्टिको सिर्जना गर्नुभयो । २. उहाँले मनुष्यको सृष्टि रगतको जमेको डल्लोबाट गर्नुभयो जुन वीर्यपछिको श्रेणी हो । ३. हे रसूल (सल्लल्लाहु अलैहि व सल्लम) ! अल्लाहले तपाईंतिर वही गर्नुभएको कुरालाई पढ्नुहोस् । वास्तवमा, तपाईंको पालनकर्ता अतुलनिय दयालु हुनुहुन्छ । उहाँ धेरै उदार र उपकारी हुनुहुन्छ । ४. उहाँले कलमले वर्णमाला र लेख्न सिकाउनुभयो । ५ .उहाँले मुनष्यले नजानेको कुरा सुकाउनुभयो । ६. वास्तवमा, अबू जहल जस्तो अनैतिक व्यक्तिले मात्र अल्लाहको सीमानाको उल्लङ्घन गर्छ । ७. जो आफैंलाई आफ्नो ओहदा र सम्पत्तिको कारणले आफूलाई धनी ठान्छ । ८. हे मनुष्य ! कयामतको दिन तिम्रो पालनकर्तातिर फर्कनुपर्नेछ र जो जसको हकदार हो त्यसलाई त्यो बदला दिनुहुनेछ । ९. के तपाईंले अबु जहल भन्दा बढि अचम्मको कुरा गर्ने देख्नुभएको छ जो रोक्छ ? १०. हाम्रो भक्त मुहम्मद (सल्लल्लाहु अलैहि व सल्लम) ले काबा नजिक सलाह पढ्ने समयमा ...

शुरू अत्यन्त करूणामय परम दयालु अल्लाहको नामबाट  १. हामीले पूरै कुर्आनलाई पहिलो आकाशमा अवतरित गर्यौं जब हामीले रमजान महिनामा पर्ने लैलतुल् कद्रमा यसको अवतरण नबी (सल्लल्लाहु अलैहि व सल्लम) माथि थाल्यौं । २. हे नबी (सल्लल्लाहु अलैहि व सल्लम) ! के तपाईंलाई थाहा छ यस रातमा के कति उपकार र कृपा रहेको छ ? ३. यो रात महान उपकार भएको रात हो । जो आस्था र पुण्य प्राप्तिको उद्देश्यले यस रातमा उपासना गर्छ त्यो एक हजार महिनाभन्दा पनि उत्तम रहेको छ । ४. यस रात फरिश्ताहरू र जिब्रील (अलैहिस्सलाम) आफ्नो पालनकर्ताको आदेशका साथ अल्लाहले त्यस वर्ष भरीका लागि गर्नुभएका फैसलाहरू जस्तै जीविका, मृत्यु, जन्म र यस्तै अन्य फैसलाहरू लिएर ओर्लन्छन् । ५. यस कृपाले भरिपूर्ण रातमा शुरू देखी अन्तिम अर्थात फज्रको आगमनसम्म उपकार नै उपकार रहेको छ ।

शुरू अत्यन्त करुणामय परम दयालु अल्लाहको नामबाट १. यहूदी, ईसाई र मुश्रिक काफिरहरूले कुफ्रमा आफ्ना सहमति र सम्झौतालाई उनीहरूसमक्ष स्पष्ट प्रमाण र तर्क नआउञ्जेल त्याग्ने छैनन् । २. यो स्पष्ट प्रमाण र तर्क भनेको अल्लाहका रसूल (सल्लल्लाहु अलैहि व सल्लम) हुनुहुन्छ । उहाँलाई पवित्र पानाहरूको वाचनको लागि पठाइएको हो जसलाई पवित्रहरू मात्र छुन्छन् । ३. ती पानाहरूमा सत्य खबरहरू र निसाफमा आधारित आदेशहरू छन् । त्यसले मानिसहरूलाई उनीहरूको भलो र मार्गदर्शनको बाटो देखाउँछ । ४. तौरात पाएका यहूदीहरू र इन्जील पाएका ईसाईहरूमा अल्लाहले उनीहरूतिर आफ्नो नबी पठाएपछि मतभिन्नता भयो । तिनीहरूमध्ये केहीले इस्लाम अपनाए र केहीले उनका नबीको सत्यताको विषयमा थाहा भएपनि कुफ्रमा नै अडिग रहे । ५. यहूदी र इसाईहरूको अपराध र हठधर्म स्पष्ट भयो किनकि उनीहरूलाई कुरानमा पनि त्यही आदेश दिइएको छ जुन उनीहरूको किताबमा दिइएको थियो र त्यो हो एकमात्र अल्लाहको उपासना गर्नु, शिर्कबाट जोगिनु, सलाह पढ्नु र जकात दिनु । जुन कुराको उनीहरूलाई आदेश दिइयो त्यो सिधा धर्म हो र यसमा कुनै टेढोपन छैन । ६. यहूदी, ईसाई र मुश्रिक काफिरहरू कय...

शुरू अत्यन्त करुणामय परम दयालु अल्लाहको नामबाट १. जब धर्ती हिंसक रूपले हल्लाइनेछ र यो कयामतको दिन हुनेछ । २. अनि धर्तीले आफू भित्र रहेका मृतकहरू र अन्य सबै कुरालाई बाहिर निकाल्नेछ । ३. मनुष्यले अचम्भित भएर सोध्नेछन्- धर्तीलाई यो के भएको, किन यसरी हल्लिरहेको छ ? ४. त्यस महान दिनमा धर्तीले ऊमाथि भएका राम्रा र नराम्रा कामहरूलाई बताउनेछ । ५. वास्तवमा, अल्लाहले त्यसलाई सिकाउनुभएको र यसको आदेश दिनुभएको हुनेछ । ६. त्यस महान दिन जब धर्ती अत्यन्तै काम्नेछ, मानिसहरू हिसाबकिताबको ठाउँबाट संसारमा उनीहरूले गरेका कामहरूलाई हेर्न समूह समूहमा आउनेछन् । ७. जसले सानो कमिलाको तौल जति सत्कर्म गरेको छ भने उसले आफ्नै आँखा अगाडि देख्नेछ । ८. अनि त्यति नै पाप गरेको छ भने त्यो पनि देख्नेछ ।

शुरू अत्यन्त करुणामय परम दयालु अल्लाहको नामबाट १. अल्लाहले घोडाहरूको कसम खानुभयो जो त्यस समयसम्म दौड्छन् जबसम्म द्रुत गतीको कारण आफ्नो सासको आवाज सुन्दैनन् । २. अनि घोडाहरूको कसम खानुहुन्छ जब उनीहरूको खुर चट्टानको सम्पर्कमा आएर तिब्र तरिकाले ठोक्किएको कारणले आगो सल्काउछ । ३. अनि घोडाहरूको कसम खानुभयो जुन बिहानै शत्रुमाथि आक्रमण गर्छ । ४.  तिनीहरू चल्दा धुलो उडाउँछन् । ५. तिनीहरूले आफ्नो सवारको साथ शत्रुको दलभित्र पसेर आक्रमण गरे । ६. वास्तवमा, मानुष्य उसको पालनकर्ताले चाहेको असल कुरामा बाधा बन्छ । ७.  वास्तवमा भन्ने हो भने ऊ भलाईमा बाधा भएकोमा स्वयं शाक्षी छ । ऊ यस कुरालाई अस्वीकार गर्न सक्दैन किनकि यो स्पष्ट कुरा हो । ८. वास्तवमा, पैसाको लागि उसको अत्यधिक प्रेमले उसलाई कन्जुस बनाउँछ । ९. वास्तविकता उसले कल्पना गरे जस्तो हुनेछैन भनी के यस मानिसलाई थाहा छैन जसलाई संसारको जीवनले धोकामा परेको छ । जब अल्लाहले चिहानबाट मृतकहरूलाई जीवित पारेर उठाउनुहुनेछ र उनीहरूलाई हिसाबकिताब र बदला दिनको लागि धर्तीबाट निकाल्नुहुनेछ । १०. हृदयमा लुकेका मनसाय, सिद्धान्त र अन्य कुराहरू जाहेर हुने...

शुरू अत्यन्त करुणामय परम दयालु अल्लाहको नामबाट १.  आफ्ना डरलाग्दा घटनाहरूका कारण त्यस समयले मानिसहरुको हृदय हल्लाउँछ । २.  आफ्ना डरलाग्दा घटनाहरूका कारण मानिसहरूको हृदय हल्लाउने त्यो समय के हो ? ३.  हे मानिसहरू हो ! आफ्ना डरलाग्दा घटनाहरूका कारण मानिसहरूको हृदय हल्लाउने त्यो समय के हो भनि तिमीहरूलाई के थाहा ? त्यो कयामतको दिन हो । ४.  मानिसहरूको हृदय काम्ने दिन उनीहरू यता र उता छरिएका कीरा फट्याङ्ग्रा जस्ता हुनेछन् । ५. अनि पहाडहरू हलुका र सजिलै सारिने हुनाले धुनेका ऊन जत्तिकै नरम हुनेछन् । ६.  अनि जसका सत्कर्महरू उसको पापभन्दा धेरै हुनेछ । ७.  उसले स्वर्गमा आरामदायी जीवनको आनन्द लिनेछ । ८.  अनि जसका पापहरू उसको सत्कर्मभन्दा धेरै हुनेछ । ९.  कयामतको दिन उनीहरूको वासस्थान र गन्तव्य नर्क हुनेछ । १०. हे रसूल (सल्लल्लाहु अलैहि व सल्लम) ! तपाईंलाई के थाहा त्यो के हो भनेर ? ११. त्यो दन्कँदो आगो हो ।

शुरू अत्यन्त करुणामय परम दयालु अल्लाहको नामबाट  १. हे मानिसहरू हो ! आफ्नो सम्पत्ति र आफ्ना बच्चाहरूको विषयमा घमण्डले तिमीहरूलाई अल्लाहको आज्ञापालन गर्नबाट रोकेको छ । २. अनि तिमीहरूको मृत्यु हुनेछ र तिमीहरू चिहानमा जानेछौ । ३. तिमीहरू जुन कुराको विषयमा घमण्डमा लागेर अल्लाहको आज्ञापालनबाट विमुख भएका थियौ त्यसको यातना तिमीहरूले चाँडैनै थाहा पाउनेछौ । ४. अनि चाँडैनै तिमीहरूले त्यसको यातना थाहा पाउनेछौ । ५. तिमीहरू अल्लाहतर्फ फर्केर जानेछौ र उहाँले तिमीहरूलाई तिमीहरूको कर्म अनुसार प्रतिफल दिनुहुनेछ भनी यदि तिमीहरूलाई साँच्चिकै थाहा भएको भए तिमीहरूले आफ्नो सम्पत्ति र आफ्ना बच्चाहरूको बारेमा घमण्ड गर्ने थिएनौ । ६. अल्लाहको कसम, तिमीहरूले कयामतको दिन नर्क देख्नेछौ । ७. तिमीहरूले त्यसलाई स्पष्टसँग देख्नेछौ जसमा कुनै शंका छैन । ८. अनि त्यसदिन अल्ल्हले तिमीहरूलाई प्रदान गर्नुभएको स्वास्थ्य, धन र आदिको विषयमा सोध्नुहुनेछ ।

शुरू अत्यन्त करुणामय परम दयालु अल्लाहको नामबाट १.  अल्लाहले मध्यान्हको कसम खानुभयो । २.  वास्तवमा मनुष्य घाटामा र विनाशको निकट छ । ३.  तर अल्लाह र उहाँका रसूलहरूमाथि आस्था राख्ने, सत्कर्म गर्ने, एक अर्कालाई सत्यको र सत्यमा अडिग रहन उपदेश दिनेहरू बाहेक । तसर्थ यी गुणहरूको मालिक संसारमा र आखिरतमा सफल हुनेहरू हुन् ।

शुरू अत्यन्त करुणामय परम दयालु अल्लाहको नामबाट  १. जो मानिसहरूलाई अपमान गर्छ र गलत आरोप लगाउँदछ ऊमाथि कठोर यातनाको आई परोस् । २.  जसले धन जम्मा पार्न र गणना गर्न मात्र सोच्दछ र अरू केही सोच्दैनन् । ३.  उसको धनले उसलाई मृत्युबाट जोगाउनेछ र यस संसारमा ऊ सदा जीवित रहनेछ भनी उसलाई लाग्छ । ४.  वास्तविकता यस अज्ञानीले सोँचे जस्तो होइन । उसलाई नर्कमा फालिनेछ र जसलाई नर्कमा फालिन्छ त्यसलाई ऊ आफ्नो शक्तिले नष्ट पार्दिन्छ । ५.  हे रसूल (सल्लल्लाहु अलैहि व सल्लम) ! तपाईंलाई के थाहा त्यो नर्क के हो जसले त्यसमा फालिनेहरूलाई टुक्रा टुक्रा पार्दिन्छ ? ६.  यो त अल्लाहको दन्कँदो आगो हो । ७.  जुन मानिसहरूको शरीरबाट उनीहरूको हृदयसम्म पुग्नेछ । ८.  वास्तवमा, यसले यातना भोग्ने सबैलाई कैद गर्नेछ । ९.  अग्ला-अग्ला स्तम्भहरूले घेरिएका हुनेछन् जहाँबाट उनीहरू निस्कन सक्नेछैनन् ।

शुरू  अत्यन्त करुणामय अल्लाहको नामबाट १. हे रसूल (सल्लल्लाहु अलैहि व सल्लम) ! के तपाईंलाई थाहा छैन अबरह र उसको बथान जो हात्तीवालाहरू हुन् उनीहरूले काबालाई नष्ट पार्ने षड्यन्त्र गरेकाले तपाईंको पालनकर्ताले उनीहरूसित कस्तो व्यवहार गर्नुभयो ? २. उनीहरूले काबालाई नष्ट पार्न बनाएका षड्यन्त्रलाई विफल पारिदिनुभयो । उनीहरू मानिसहरूलाई काबाबाट टाढा राख्ने आफ्नो उद्देश्यमा असफल भए । उनीहरू नराम्रोसित असफल भए । ३. अल्लाहले उनीहरूमाथि झुन्डका झुन्ड चराहरू पठाउनुभयो । ४. जो तिनीहरूलाई माटोको ढुङ्गाले हिर्काइरहन्थे । ५. अल्लाहले उनीहरूलाई खेतको घाँस जस्तो बनाइदिनुभयो जसलाई जनावरहरू खान्छन् र कुल्चन्छन् ।

शुरू अत्यन्त करुणामय परम दयालु अल्लाहको नामबाट  १. कुरैशको बानी र उनीहरूको प्रेमको लागि । २. अनि त्यो जाडोमा यमनको र गर्मीमा सीरियाको सुरक्षित यात्रा गर्नु हो । ३. तसर्थ यस पवित्र घरको मालिक एक मात्र अल्लाहको उपासना गर्नुहोस् जसले यस यात्रालाई सहज बनाउनुभयो र उहाँसँग कसैलाई पनि साझेदार नबनाउनुहोस् । ४. जसले उनीहरूलाई भोकको बेला खुवाउनुभयो र उनीहरूलाई डरबाट मुक्त गर्नुभयो किनकि उहाँले अरबबासीहरूको हृदयमा यस पवित्र स्थान र यहाँका बासिन्दाहरूको सम्मान राख्नुभयो ।

शुरू अत्यन्त करुणामय परम दयालु अल्लाहको  नामबाट  १. कयामतको दिन बदला दिइने विषयलाई झूठो ठहर गर्नेलाई तपाईं चिन्नुहुन्छ ? २. यो त्यही हो जसले अभावग्रस्त टुहुरोलाई क्रूरताका अस्वीकार गर्दछ । ३. ऊ आफैलाई र अरूलाई गरिबहरूलाई खुवाउन प्रोत्साहित गर्दैन । ४. अनि त्यसता सलाह पढ्नेहरूको लागि विनाश र यातना रहेको छ जो आफ्ना सलाहप्रति लापरवाही गर्छन् र त्यसको समय समाप्त नहुन्जेलसम्म त्यसतिर ध्यान दिँदैनन् । ५. अनि त्यसता सलाह पढ्नेहरूको लागि विनाश र यातना रहेको छ जो आफ्ना सलाहप्रति लापरवाही गर्छन् र त्यसको समय समाप्त नहुन्जेलसम्म त्यसतिर ध्यान दिँदैनन् । ६. जो देखावटी सलाह पढ्छन् र कर्म गर्छन् । उनीहरू केवल अल्लाहको लागि कर्म गर्दैनन् ।  ७. उनीहरू अरूलाई सहयोग गर्नबाट रोक्छन् यद्यपि सहयोग गर्नाले कुनै हानी हुनेछैन ।

शुरू अत्यन्त करुणामय परम दयालु अल्लाहको  नामबाट  १.  हे रसूल (सल्लल्लाहु अलैहि व सल्लम) ! हामीले तपाईंलाई अपार भलाई प्रदान गर्यौं जसमध्ये स्वर्गमा रहेको कौसर नहर हो । २. केवल अल्लाहका लागि सलाह पढी र कुर्बानी गरी यस कृपाको बदलामा अल्लाहलाई धन्यवाद दिनुहोस् । यो मुश्रिकहरूको कार्यको विपरित रहेको छ किनकि उनीहरू मूर्तीहरू नजिक हुनको लागि कुर्बानी गर्थे । ३. वास्तवमा, तपाईंलाई घृणा गर्ने त्यो हो जो सम्पूर्ण भलाईबाट बन्चित छ र त्यो बिर्सिएको हो । यदि त्यसको उल्लेख गरिन्छ भने नराम्रोमा नै उल्लेख गरिन्छ ।

शूरु अत्यन्त करुणामय परम दयालु अल्लाहको  नामबाट  १.  हे रसूल (सल्लल्लाहु अलैहि व सल्लम) ! भन्नुहोस्- हे अल्लाहलाई नमान्नेहरू हो । २. तिमीहरूले गर्ने मूर्तीहरूको उपासना म न अहिले गर्छु न कहिले गर्नेछु । ३. जसको उपासना म गर्छु उहाँको उपासना तिमीहरू गर्नेछैनौ । उहाँ अल्लाह मात्र हुनुहुन्छ । ४. तिमीहरूले उपासना गरेका मूर्तीहरूको उपासना म गर्दिन । ५. जसको उपासना म गर्छु उहाँको उपासना तिमीहरू गर्नेछैनौ । उहाँ अल्लाह मात्र हुनुहुन्छ । ६. तिमीहरूको लागि तिमीहरूले आफ्नै लागि सिर्जना गरेको धर्म र मेरो लागि ममाथि अल्लाहले अवतरण गर्नुभएको धर्म ।

शुरु अत्यन्त करुणामय परम दयालु अल्लाह को नामबाट  १.  हे रसूल (सल्लल्लाहु अलैहि व सल्लम) ! जब तपाईंको धर्मको लागि अल्लाहको सहयोग, त्यसको प्रतिष्ठा र मक्काको विजय प्राप्त हुनेछ । २.  अनि तपाईँले मानिसहरूलाई हूलका हूल इस्लाममा प्रवेश गरेको देख्नुहुनेछ । ३.  जानिराख्नुहोस्, वास्तवमा, तपाईंलाई सुम्पिएको मिसनको अन्त नजिकिएको त्यो संकेत हुनेछ । तसर्थ आफ्ना पालनकर्ताको प्रशंसाकासाथ महिमागान गर्नुहोस् । अनि तपाईंलाई दिनुभएको समर्थन र विजयको लागि उहाँलाई धन्यवाद दिनुहोस् । उहाँसमक्ष पश्चाताप गर्नुहोस् किनकि उहाँ आफ्ना भक्तहरूको पश्चातापलाई स्वीकार गर्नुहुन्छ र उनीहरूलाई क्षमा गर्नुहुन्छ ।  

शुरु अत्यन्त करुणामय परम दयालु अल्लाहको नामबाट  १.  नबी (सल्लल्लाहु अलैहि व सल्लम) को काका अबू लहब बिन अब्दुल् मुत्तलिबको कर्मको क्षति भएर उसको पराजय भएको छ किनकि उसले नबी (सल्लल्लाहु अलैहि व सल्लम) लाई चोट पुऱ्यायो र उसको योजना असफल भयो । २.  उसको धन र सम्पत्तिले उसको लागि के गर्यो ? उनीहरूलाई यातनाबाट जोगाएन र उनीहरूलाई दयाको पात्र बनाएन । ३.  कयामतको दिन ऊ दन्कँदो आगो भएको नर्कमा प्रवेश गर्नेछ र त्यसको ताप भोग्नेछ । ४.  अनि उसको पत्नी उम्मे जमील पनि प्रवेश हुनेछिन् जो नबी (सल्लल्लाहु अलैहि व सल्लम) को बाटोमा काँडा फ्यालेर उहाँलाई दुःख दिने गर्थिन् । ५.  एउटा कडा डोरी उसको घाँटीमा बाँधिएको हुनेछ र त्यसले उसलाई आगोमा डोऱ्याइनेछ ।

शुरु अत्यन्त करुणामय परम्दयालु अल्लाहको नामबाट  १.  हे रसूल (सल्लल्लाहु अलैहि व सल्लम) ! उहाँ अल्लाह नै ईश्वरत्वको एक मात्र धारक हुनुहुन्छ । उहाँबाहेक अरू कोही उपास्य छैन । २. उहाँ मालिक हुनुहुन्छ जो पूर्णता र सौन्दर्यको मामिलामा उत्कृष्ट हुनुहुन्छ । उहाँतिर सबै प्राणीहरू आवश्यकताको समयमा शरण लिन आउँछन् । ३. उहाँले कसैलाई पनि जन्माउनुभएको छैन र उहाँलाई कसैले जन्माएको छैन । कोही उहाँको छोरा छैन र कोही उहाँको बुबा । ४.  उहाँको सृष्टिमा कोही उहाँजस्तो छैन ।

शुरु अत्यन्त करुणामय परम दयालु अल्लाहको नामबाट  १.  हे रसूल (सल्लल्लाहु अलैहि व सल्लम) ! भन्नुहोस्- म बिहानको मालिकको शरण लिन्छु र उहाँसँग सुरक्षा माग्दछु । २.  दुःख दिने सृष्टिहरूको दुष्टताबाट । ३.  अनि रातमा बाहिर निस्कने जनावरहरू र चोरहरूको दुष्टताबाट म अल्लाहको शरण लिन्छु । ४.  अनि म जादूको अभ्यास गर्न गाँठोमा झारफुक गर्नेहरूको दुष्टताबाट उहाँको शरण लिन्छु । ५.  अनि म ईर्ष्या गर्नेको ईर्ष्याको दुष्टताबाट उहाँको शरण लिन्छु ।

शुरू अत्यन्त करुणामय परम दयालु अल्लाहको  नामबाट  १.  हे रसूल (सल्लल्लाहु अलैहि व सल्लम) ! भन्नुहोस्- म मानिसहरूको पालनकर्ताको शरण लिन्छु र उहाँसँग सुरक्षा माग्दछु । २.  उहाँ मानिसहरूको मालिक हुनुहुन्छ । जसरी चाहनुहुन्छ उनीहरूसँग व्यवहार गर्नुहुन्छ । उहाँबाहेक उनीहरूको कोही मालिक छैन । ३. उहाँ उनीहरूको वास्तविक उपास्य हुनुहुन्छ । उहाँबाहेक उनीहरूको अरू कोही वास्तविक उपास्य छैन । ४. शैतानको दुष्टताबाट जो मानिसहरूलाई बहकाउछ जब उनीहरू अल्लाहको सम्झनालाई बिर्सन्छन् र जब उहाँलाई सम्झन्छन् उनीहरूबाट भाग्छ । ५.  ऊ मानिसहरूको हृदयमा भ्रम उत्पन्न गर्छ । ६.  ऊ दुबै मानिस र जिनमध्येको हुन्छ ।

शुरु अत्यन्त करुणामय परम दयालु अल्लाहको नामबाट अल्लाह तआलाको किताब (कुरआन) को आरम्भ यस सूरहबाट भएको हुनाले यसको नाम अल्-फातिहा राखिएको हो। यस सूरहमा अल्लाहको एकेश्वरवाद, उपासना, थोरै कथा र यस्तै अरू विषयबस्तुहरू समावेश गरिएका कारणले यस सूरहको नाम उम्मुल् कुरआन राखिएको हो । यो कुरआनको सबैभन्दा महत्वपूर्ण सूरह हो र यो पटक पटक दोहोर्याएर पढिने सूरह हो । १. म अल्लाह तआलाको नामसँगै उनको सहयोगको अभिलाषाका साथ र उनको नामको उच्चारणबाट बरकत प्राप्तिका लागि कुरआनको पाठ शुरू गर्दछु । बिस्मिल्लाहमा अल्लाहका ३ वटा उत्तम नामहरूको उल्लेख भएको छ । ती हुन्ः क) "अल्लाह" अर्थात सत्य ईश्वर । यो उनको विशिष्ट नाम हो। यो नाम उनी बाहेक अरू कसैको छैन र उनी पवित्र छन् ।  ख) "अर्रह्मान" अर्थात अपार दयाको मालिक । उनी स्वयंमा नै दयाका खानी हुन् । ग) "अर्रहीम" अर्थात अनन्तर दयाको मालिक । तसर्थ अल्लाह तआला आफ्ना सृष्टिहरूमध्येबाट जसलाई चाहन्छन् आफ्नो यस दयाको पात्र बनाउछन् र तिनीहरूमा अल्लाहका आस्थावान भक्तहरू हुन् । २. अल्लाहको प्रशन्सा वर्णन गर्ने सम्पूर्ण गुणहरू केवल अल्लाहका लागि ह...