शूरु अत्यन्त करुणामय परम दयालु अल्लाहको नामबाट
१. अल्लाहले घोडाको घाँटीको कपाल सरह एक पछि अर्को गरी चल्ने हवाको कसम खानुभयो ।
२. उहाँले हिंसात्मक ढंगले चल्ने हवाको कसम खानुभयो ।
३. वर्षालाई फैलाउने हवाको कसम खानुभयो ।
४. सत्य र असत्य बीच फरक गर्ने कुरालाई लिएर ओर्लने फरिश्ताहरूको कसम खानुभयो ।
५. वही लिएर ओर्लने फरिश्ताहरूको कसम खानुभयो ।
६. उनीहरू मानिसहरूको लागि अल्लाहको तर्फबाट तर्क र अल्लाहको यातनाको चेतावनी स्वरूप वही लिएर ओर्लन्छन ।
७. वास्तवमा, पुनः जीवित पार्ने, हिसाबकिताब हुने र बदला दिइने विषयमा दिइएको चेतावनी अनिवार्य रूपमा पूरा हुनेछ ।
८. जब ताराहरूको चमक फिक्का हुनेछ र प्रकाश हराउनेछ ।
९. जब फरिश्ताहरूको अवतरणको कारणले आकाश चर्किनेछ ।
१०. जब पहाडहरू आफ्नो ठाँउबाट उखेलिनेछन् र नष्ट पारी धूलो बनाइनेछन् ।
११. जब तोकिएको समयमा रसूलहरू भेला हुनेछन् ।
१२. महान दिनको लागि उनीरूलाई आफ्ना अनुयायीहरू विरूद्ध गवाही दिन स्थगित गरिएको छ ।
१३. भक्तहरूको बीच फैसला हुने दिनको लागि जुन दिन सत्य एवं असत्य र खुशी एवं दुखी बीच फरक छुट्टाइनेछ ।
१४. हे रसूल (सल्लल्लाहु अलैहि व सल्लम) ! तपाईंलाई फैसला हुने दिनको विषयमा कसले सूचित गर्यो ?!
१५. अल्लाहको तर्फबाट सन्देश लिएर आएका रसूलहरूलाई झूठो ठहर गर्नेहरूको लागि त्यसदिन विनाश, यातना र हार रहेको छ ।
१६. के हामीले पहिलेका समुदायहरूलाई उनीहरूले अल्लाहलाई नकारेको र रसूलहरूलाई झूठो ठहर गरेको कारणले नष्ट पारेनौ र ?
१७. फेरी पछिका झूठाहरूले पनि उनीहरू कै अनुसरण गरे । उनीहरूलाई जस्तै हामी यिनीहरूलाई पनि नष्ट पार्नेछौं ।
१८. जसरी हामीले ती समुदायहरूलाई नष्ट पारेका छौं त्यसरी नै मुहम्मद (सल्लल्लाहु अलैहि व सल्लम) ले ल्याउनुभएको सन्देशलाई झूठो ठहर गर्नेहरूलाई पनि नष्ट पार्नेछौं ।
१९. पापीहरूलाई दण्ड दिने अल्लाहको चेतावनीलाई झूठो ठहर गर्नेहरूको लागि त्यसदिन विनाश, यातना र हार रहेको छ ।
२०. हे मानव ! के हामीले तिमीहरूलाई एउटा तुच्छ थोरै पानी अर्थात वीर्यले सृष्टि गरेको होइन र ?!२१. अनि त्यस तुच्छ पानीलाई हामीले एउटा सुरक्षित ठाउँमा राख्यौं जुन महिलाको गर्भ हो ।
२२. एउटा निर्धारित अवधिसम्म राख्यौं जुन गर्भावस्थाको अवधि हो ।
२३. अनि हामीले नवजात शिशुको विशेषता, उसको भाग्य, रंग र यस्तै अन्य कुराहरूलाई निर्धारित गर्यौं । हामी कति राम्ररी यी सबैलाई निर्धारण गर्छौं ।
२४. त्यसदिन अल्लाहको शक्तिलाई नकार्नेहरूको लागि विनाश, यातना र हार रहेको छ ।
२५. के हामीले धर्तीलाई सबै मानिसहरू अट्ने बनाएनौं र ?
२६. यसमा र यसका भवनहरूमा उनीहरूका जीवित बसोबास गर्छन् भने उनीहरूका मृतकहरूलाई यसमा गाडिन्छ ।
२७. हामीले यसमा ठोस र अग्ला पहाडहरू स्थापित गरेका छौं जसले यसलाई खस्कनबाट जोगाउँदछ । हे मानिसहरू हो ! हामीले तिमीहरूलाई स्वच्छ पानी पियायौं । जो यो सृष्टि गर्न सक्छ उहाँ तिमीहरूलाई पुनः जीवित गर्नबाट असक्षम हुनुहुन्न ।
२८. अल्लाहको अनुग्रहहरूलाई नकार्नेहरूको लागि त्यसदिन विनाश, यातना र हार रहेको छ ।
२९. रसूलहरूले ल्याएको सन्देशलाई नकार्नेहरूलाई भनिनेछः हे नकार्नेहरू हो ! तिमीहरूले नकार्ने गरेका यातनातिर जाऊ ।
३०. नर्कको धुवाँको छायामा हिँड जुन तीन शाखामा विभाजित छ ।
३१. त्यसमा छायाको शीतलता छैन र त्यसले आगोको ज्वाला र तातोलाई तिमीहरूसम्म पुग्नबाट रोक्दैन ।
३२. वास्तवमा, नर्कले तातो ज्वालाहरू फ्याँक्नेछ र हरेक ज्वाला महल जति ठूलो हुनेछ ।
३३. त्यसले फ्याँक्ने ज्वालाहरू मानौं कालो उँटहरू जस्तै कालो र ठूलो हुनेछ ।
३४. अल्लाहको यातनालाई नकार्नेहरूको लागि त्यसदिन विनाश, यातना र हार हुनेछ ।
३५. यसदिन उनीहरू केही बोल्न सक्नेछैनन् ।
३६. उनीहरूको कुफ्र र अवज्ञाको लागि उनीहरूले आफ्ना पालनकर्तासामु क्षमा माग्न पाउनेछैनन् ।
३७. यसदिनको समाचार नकार्नेहरूका लागि त्यसदिन विनाश, यातना र हार हरेको छ ।
३८. आज सृष्टिहरूमाझ निर्णय गर्ने दिन हो । हामीले तिमीहरूलाई र पहिलेका समुदायहरूलाई एउटै ठाउँमा भेला पारेका छौं ।
३९. यदि अल्लाहको यातनाबाट बच्न सक्ने कुनै चाल तिमीहरूसित छ भने चलेर हेर ।
४०. फैसलाको दिनलाई झूठो ठहर गर्नेहरूको लागि त्यसदिन विनाश, यातना र हार हुनेछ ।
४१. वास्तवमा, आफ्नो पालनकर्ताको आदेशहरूको पालना गरी र उहाँले मनाही गर्नुभएको कुराहरूबाट बचेर उहाँको डर राख्नेहरू स्वर्गका रूखहरूको फैलिएको / विस्तारित छाया र बगिरहने स्वच्छ पानीको मूलहरूबीच हुनेछन् ।
४२. उनीहरूले खान मन पराउने फलहरूमा हुनेछन् ।
४३. उनीहरूलाई भनिनेछः पवित्र खानेकुरा खाऊ र दूषित नभएको स्वच्छ पेय पदार्थ पिऊ किनकि तिमीहरूले संसारमा सत्कर्म गरेका थियौ ।
४४. वास्तवमा, तिमीहरूलाई दिएको प्रतिदान जस्तो प्रतिदान हामी सत्कर्मीहरूलाई उनीहरूको सत्कर्मको लागि दिन्छौं ।
४५. ईशभय राख्नेहरूको लागि तयार पारेको प्रतिदानलाई झूठो ठहर गर्नेहरूको लागि त्यसदिन विनाश, यातना र हार रहेको छ ।
४६. झूठो ठहर गर्नेहरूलाई भनिनेछः यस संसारमा छोटो समयको लागि खाऊ र जीवनको मोजमस्तीको आनन्द लिऊ किनकि अल्लाहलाई नकारेकोले र उहाँका रसूलहरूलाई झूठो ठहर गरेकोले तिमीहरू अपराधी हौ ।
४७. झूठो ठहर गर्नेहरूको लागि विनाश, यातना र हार रहेको छ किनकि उनीहरूले बदला दिइने दिन उनीहरूलाई दिइने यातनालाई झूठो ठहर गरे ।
४८. जब यी झूठा ठहर गर्नेहरूलाई भनिन्छः अल्लाहको लागि सलाह पढ तर यिनीहरू उहाँको लागि सलाह पढ्दैनन् ।
४९. अल्लाहको तर्फबाट रसूलहरूले ल्याएका सन्देशलाई नकार्नेहरूलाई त्यसदिन विनाश, यातना र हार रहेको छ ।
५०. यदि यिनीहरूको पालनकर्ताको तर्फबाट अवतरित कुर्आनमाथि यिनीहरूले आस्था राखेनन् भने अब यसपछि यिनीहरू कुन कुरामाथि आस्था राख्नेछन् ?!
टिप्पणियाँ
एक टिप्पणी भेजें