शुरू अत्यन्त करुणामय परम दयालु अल्लाहको नामबाट
१. अल्लाहले सूर्यको कसम खानुभयो र सूर्योदयपछि पुर्वबाट माथि उठ्ने समयको कसम खानुभयो ।
२. उहाँले चन्द्नको कसम खानुभयो जब त्यो सूर्यास्तपछि त्यसको पछि पछि जान्छ ।
३. अल्लाहले दिनको कसम खानुभयो जब त्यसको प्रकाशले उहाँले पृथ्वीमा रहेका कुराहरूलाई देखिने बनाउनुहुन्छ ।
४. अनि रातको कसम खानुभयो जब त्यसले पृथ्वीलाई छोप्छ र अन्धकार छाउँछ ।
५. अनि आकाशको त्यसको सावधानपूर्वक सृष्टिको कसम खानुभयो ।
६. अल्लाहले धर्तीको कसम र त्यसमा मानिसहरूको बसाईलाई सम्भव बनाउनका लागि त्यसलाई समतल बनाउनुको कसम खानुभयो ।
७. उहाँले हरेक ज्यानको र अल्लाहका सृष्टिहरूको परिपूर्णताको कसम खानुभयो ।
८. कुन नराम्रो कामबाट बच्नुपर्दछ र असल काम कुन हो भनेर उहाँले प्राणीहरूलाई शिक्षाको आवश्यकता बिना नै सुकाउनुभएको छ ।
९. सद्गुणहरूले सजाई र अवगुणहरूबाट मुक्त गरी जसले आफ्नो आत्मालाई शुद्ध पार्यो उसले आफूले चाहेको कुरा प्राप्त गर्यो ।
१०. अनि जसले त्यसलाई अवज्ञा र पापहरूले अपवित्र बनायो ऊ असफल भयो । (जब अल्लाहले अवज्ञा र पापहरूले प्राणलाई अपवित्र बनाएर असफल हुने कुराको उल्लेख गर्नुभयो उहाँले यसको उदाहरणमा समूद समुदायलाई उल्लेख गर्नुभयो र भन्नुभयोः)
११. समूदले अवज्ञा र पापहरू गर्नमा सिमा उल्लङ्घन गरी आफ्ना नबी सालेह (अलैहिस्सलाम) लाई झूठा ठहर गरे ।
१२. जब उनीहरूमध्ये धेरै अभागी व्यक्ति उनीहरूले चयन गरेपछि उभियो ।
१३. उनीहरूलाई अल्लाहका रसूल सालेह (अलैहिस्सलाम) ले भनेः अल्लाहको उँटनीलाई नछुनु, उसले आफ्नो आरक्षित दिनमा पानी पिउनेछ र उसलाई हानी नपुर्याउनु ।
१४. तर उनीहरूले उँटनीको विषयमा आफ्ना रसूलको कुरा मानेनन् । अनि उनीहरूमध्ये धेरै अभागीले उनीहरूको सहमतीमा त्यसको हत्या गर्यो । उनीहरू त्यस पापमा सहभागी थिए । तसर्थ अल्लाहले उनीहरूमाथि आफ्नो यातना पठाउनुभयो । उनीहरूको पापको कारणले उनीहरूलाई ठूलो गर्जनले नष्ट पार्नुभयो । अनि उनीहरूलाई यस्तो यातना दिनुभयो जसबाट उनीहरूलाई नष्ट पार्नुभयो ।
१५. अल्लाहले परिणामहरूको डर नराखी यस यातनाबाट उनीहरूलाई नष्ट पार्नुभयो ।
टिप्पणियाँ
एक टिप्पणी भेजें