शुरु अत्यन्त करुणामय परम दयालु अल्लाहको नामबाट
१. जब आकाश फरिश्ताहरूको अवतरणको लागि चर्कनेछ ।
२. आज्ञाकारी भई आफ्नो पालनकर्ताको कुरा सुन्नेछ । यही नै उसको लागि उचित रहेकोछ ।
३. जब धर्तीलाई तल्लो आकाश सरह फैलाइनेछ ।
४. अनि धर्तीले आफूभित्र रहेका खरखजाना र मृतहरूलाई बाहिर फ्याक्नेछ र रित्तो हुनेछ ।
५. आज्ञाकारी भई आफ्नो पालनकर्ताको कुरा सुन्नेछ । यही नै उसको लागि उचित रहेकोछ ।
६. हे मानव ! या त तिमी राम्रो काम गर्नेछौ या नराम्रो । त्यसलाई तिमीले कयामतको दिन देख्नेछौ । जस अनुसार अल्लाहले तिमीलाई बदला दिनुहुनेछ ।
जब उहाँले समग्रमा मानिसको कर्मको वर्णन गर्नुभयो, उहाँले कयामतको दिन हुने मानिसहरूको अवस्थालाई स्पष्ट गरेर भन्नुभयोः
७. जसको दाहिने हातमा उसको कर्मपत्र दिइनेछ ।
८. अल्लाहले उसको हिसाब सहज तरिकाले लिनुहुनेछ र उसलाई दण्डित नगरी उसको कर्मलाई प्रस्तुत गरिनेछ ।
९ अनि ऊ आफ्नो परिवारमा प्रसन्न भई फर्कनेछ ।
१० अनि जसलाई उसको कर्मपत्र उसको पिठ्यूँपछाडिबाट देब्रे हातमा दिइनेछ ।
११ उसले स्वयंको विनाशको लागि पुकार्नेछ ।
१२ उसले नर्कको आगोमा प्रवेश गर्नेछ जहाँ उसले त्यसको रापको कष्ट भोग्नेछ ।
१३ वास्तवमा, संसारमा ऊ कुफ्र र अवज्ञाका साथ आफ्नो परिवारसँग सन्तुष्ट थियो ।
१४ उसले मृत्युपश्चात पुनः जीवित हुनेछैन भनी सोँचोको थियो ।
१५ बरू अल्लाहले उसलाई फेरी जीवित पार्नुहुनेछ जसरी उसलाई पहिलो पटक सृष्टि गर्नुभएको थियो । वास्तवमा, उसका पालनकर्ता उसको अवस्थालाई हेरिरहनु भएको थियो । उहाँबाट कुनैपनि कुरा लुकेको छैन र त्यस अनुसार नै उसलाई बदला दिनुहुनेछ ।
१६ अल्लाहले रातो रङ्गको कसम खानुभयो जुन सूर्यास्तपछि क्षितिजमा देखिन्छ ।
१७ अनि उहाँले रातको र त्यबेला आउने सम्पूर्णको कसम खानुभयो ।
१८ अनि चन्द्रमाको कसम खानुभयो जुन पूरा हुन्छ र पुर्णिमाको चन्द्रमामा परिणत हुन्छ ।
१९ हे मानव ! तिमीहरू एक चरणबाट अर्को चरणमा जानेछौ जस्तै वीर्यको थोपाबाट रगतको ढिक्को, चपाएको मासुको डल्लो, जीवन, मृत्यु अनि फेरी जीवित हुनु ।
२० तर यी काफिरहरूलाई के भयो, यिनीहरू अल्लाहमाथि र आखिरतको दिनमाथि आस्था किन राख्दैनन् ?!
२१ अनि जब यिनीहरूसमक्ष कुर्आनको पाठ गरिन्छ उनीहरू आफ्ना पालनकर्तासमक्ष सज्दा गर्दैनन् ?!
२२ बरू काफिरहरू उनीहरूको रसूल (सल्लल्लाहु अलैहि व सल्लम) ले ल्याउनुभएको कुरालाई झूठो ठहर गर्छन् ।
२३ यिनीहरूको मनले लुकाउने कुराहरूलाई अल्लाह राम्ररी जान्नुहुन्छ । उनीहरूको कुनैपनि कुरा उहाँबाट लुकेको छैन ।
२४ हे रसूल (सल्लल्लाहु अलैहि व सल्लम) ! उनीहरूलाई पीडादायी दण्डले पर्खिरहेको कुराबाट उनीहरूलाई सूचित गर्नुहोस् ।
२५ तर अल्लाहमाथि आख्ने राख्नेहरू र सत्कर्म गर्नेहरूबाहेक । उनीहरूले कहिल्यै समाप्त नहुने पुण्य प्राप्त गर्नेछन् र त्यो स्वर्ग हो ।
टिप्पणियाँ
एक टिप्पणी भेजें