शुरु अत्यन्त करुणामय परम दयालु अल्लाहको नामबाट
१. धोका दिनेहरूको विनाश होस् ।
२. यी तिनीहरू हुन् जो अरूबाट लिँदा पूरा पूरा तौल गरेर लिन्छन् र त्यसमा कुनै कमी गर्दैनन् ।
३. अनि जब अरूहरूलाई नापेर वा तौलेर दिन्छन् नापमा र तौलमा कमी गरेर दिन्छन् । नबी (सल्लल्लाहु अलैहि व सल्लम) मदीना बसाइ सराइ गरेर जाँने समयमा मदीनाबासीहरूको अवस्था यस्तै थियो ।
४. यस्ता कुकर्म गर्नेहरूलाई अल्लाहतर्फ नै पुनः जीवित पारेर लैजानेछ भन्ने कुरा थाहा छैन र ?!
५. दुर्भाग्य र त्रासले भरिएको गम्भीर दिनमा हिसाब लिन र बदला दिनका लागि उनीहरूलाई पुनः जीवित पारिनेछन् ।
६. त्यसदिन मानिसहरू सम्पूर्ण सृष्टिका पालनकर्तासमक्ष हिसाबको लागि उभिनेछन् ।
७. मृत्युपश्चात पुनः जीवित पारिने छैन भन्ने तिमीहरूको सोँच वास्तविकतासँग मेल खाँदैन । वास्तवमा, काफिर र कपटी पापीहरूको कर्मपत्र घाटामा छ सबैभन्दा तल्लो धर्तीमा छ ।
८. हे रसूल (सल्लल्लाहु अलैहि व सल्लम) ! तपाईंलाई के थाहा सिज्जीन के हो ?
९. वास्तवमा, उनीहरूको कर्मपत्र लेखिएको छ र त्यो हराउनेछैन । न त्यसमा बृद्धि गरिनेछ न कमी नै ।
१०. त्यसदिन झूठाहरूको विनाश होस् ।
११. जसले बदला दिइने दिनलाई झूठो ठहर गरे । जुन दिन अल्लाहले आफ्ना भक्तहरूलाई उनीहरूले संसारमा गरेका कर्महरूको बदला दिनुहुनेछ ।
१२. अल्लाहको सीमाहरूको उल्लङ्घन गर्ने र धेरै पाप गर्नेहरू मात्र त्यसदिनलाई झूठो ठहर गर्छन् ।
१३. जब उसलाई हाम्रा रसूलमाथि अवतरित आयतहरू सुनाइन्छ, उसले भन्छः यो विगतका मानिसहरूको कथा हो र यो अल्लाहको तर्फबाट आएको होइन ।
१४. वास्तविकता यी झूठाहरूले सोँचे जस्तो होइन । बरू उनीहरूले गरेको पाप उनीहरूको मस्तिष्कमा छाएको छ र त्यसलाई छोपेको छ । अनि आफ्नो हृदयले सत्यलाई हेर्न सकेनन् ।
१५. कयामतको दिन उनीहरू साँच्चै नै आफ्ना पालनकर्तालाई देख्न सक्ने छैनन् ।
१६. अनि उनीहरू नर्कमा प्रवेश गर्नेछन् र त्यसको आगोको कष्ट भोग्नेछन् ।
१७. अनि कयामतको दिन उनीहरूलाई निन्दा गर्दै भनिनेछः जुन यातनाको विषयमा तिमीहरूका रसूल (सल्लल्लाहु अलैहि व सल्लम) ले तिमीहरूलाई सूचित गर्नुभएको थियो र त्यसलाई तिमीहरूले झूठो ठहर गरोका थियौ यो त्यही यातना हो जसलाई तिमीहरू अहिले भोगिरहेका छौ ।
१८. हिसाब हुनेछैन र बदला दिइने छैन भन्ने तिमीहरूको सोँच वास्तविकतासँग कुनै सम्बन्ध छैन । वास्तवमा, अनुसरण गर्नेहरूको कर्मपत्र इल्लियीनमा छ ।
१९. हे रसूल (सल्लल्लाहु अलैहि व सल्लम) ! तपाईंलाई थाहा छ इल्लियीन के हो ?
२०. वास्तवमा, उनीहरूको कर्मपत्र लेखिएको छ र त्यो हराउनेछैन । न त्यसमा बृद्धि गरिनेछ न कमी नै ।
२१. यस कर्मपत्रको साथमा प्रत्येक स्वर्गका सबै फरिश्ताहरू उपस्थित हुनेछन् ।
२२. कयामतको दिन धेरै अनुसरण गर्नेहरू सदाका कृपामा रहनेछन् ।
२३. सजाइएका आसनहरूमा बसेर उनीहरूले आफ्ना पालनकर्तालाई र ती सबै कुराहरूतिर हेर्नेछन् जसले उनीहरूलाई सन्तुष्ट पार्छन् र जसबाट उनीहरू खुशी हुन्छन् ।
२४. जब तपाईं उनीहरूतिर हेर्नुहुनेछ तपाईंले उनीहरूको अनुहारमा आनन्दका सुन्दर र आकर्शक संकेतहरू देख्नुहुनेछ ।
२५. उनीहरूका नोकरहरूले उनीहरूलाई बोतलमा सिलबन्द लगाइएको पेयपान पिलाउनेछन् ।
२६. त्यसको अन्तिम थोपासम्म कस्तूरीको बास्ना फैलिन्छ । यो सम्मानजनक पुरस्कार प्राप्त गर्न अल्लाहलाई खुशी पार्ने कार्यहरू गरेर र उहाले मनाही गर्नुभएका कुराहरूलाई त्यागेर प्रतिस्पर्धीहरूसँग प्रतिस्पर्धा गर्नु अनिवार्य रहेको छ ।
२७. यस सिलबन्द लागेको पेयमा तस्नीम मुलको पानीको मिश्रण हुनेछ ।
२८. यो स्वर्गको माथिल्लो भागमा राखिएको स्रोत हो, अविश्वसनीय रूपमा शुद्ध, जहाँबाट अल्लाहका निकटतम भक्तहरूले पिउनेछन् । त्यसबाट सम्पूर्ण मोमिनहरूले पिउनेछन् जुन अरूसँग मिसिएको हुनेछ ।
२९. जसले कुफ्र गरेर अपराध गरे । उनीहरू मोमिनहरूको खिल्ली उडाउने गर्दथे ।
३०. अनि उनीहरू मोमिनहरूको छेउबाट हिंड्दा उनीहरू एक अर्कालाई टाउको हल्लाई संकेट दिएर मोमिनहरूको उपहास गर्छन् र खिल्ली उडाउँछन् ।
३१. जब उनीहरू आफ्नो परिवारमा फर्कन्छन्, उनीहरू आफ्नो अविश्वासबाट र मोमिनहरूको खिल्ली उडाई सन्तुष्ट भएर फर्कन्छन् ।
३२. जब उनीहरू मुस्लिमहरूलाई देख्छन्, भन्छन्- यिनीहरूले आफ्ना पूर्वजको धर्म त्यागेर सीधा मार्गबाट पथभ्रष्ट भएका छन् ।
३३. यिनीहरूले यो कुरा गर्नको लागि अल्लाहले यिनीहरूलाई उनीहरूका कर्महरूको निरीक्षण गर्ने जिम्मेवारी दिनुभएको छैन ।
३४. तर कयामतको दिन मोमिनहरूले काफिरहरूको खिल्ली उडाउनेछन् जसरी संसारमा काफिरहरू मोमिनहरूको खिल्ली उडाउने गर्दथे ।
३५. सजाइएका आसनहरूमा बसी अल्लाहले उनीहरूका लागि तयार पारेर राख्नुभएको सदाको कृपालाई उनीहरूले हेरिरहेका हुनेछन् ।
३६. काफिरहरूले संसारमा गरेका कार्यहरूका लागि उनीहरूलाई अपमानजनक यातना दिइएको छ ।
टिप्पणियाँ
एक टिप्पणी भेजें