शुरू अत्यन्त करुणामय परम दयालु अल्लाहको नामबाट
१. अल्लाहले आकाशको र रातमा देखा पर्ने ताराको कसम खानु भएको छ ।
२. हे रसूल (सल्लल्लाहु अलैहि व सल्लम) ! यस ठूलो ताराको विषयमा तपाईंलाई के थाहा छ ?!
३. यो एउटा तारा हो जसले आकाशलाई आफ्नो चमकले चम्किलो पारेको छ ।
४. हरेक प्राणको लागि अल्लाहले कयामतको दिन हिसाब लिनको निम्ति उसका कर्महरू लेखेर सुरक्षित पार्न एउटा फरिश्तालाई खटाउनुभएको छ ।
५. तसर्थ अल्लाहले मनुष्यलाई कुन तत्वले सृष्टि गर्नुभएको हो भनी उसले सोच्नुपर्छ । जस कारणले अल्लाह शक्तिशाली र मनुष्य शक्तिहीन भएको कुरा स्पष्ट हुन्छ ।
६. उहाँले गर्भमा फ्याँकेको तरल पदार्थबाट उसको सृष्टि गर्नुभयो ।
७. यो तरल पदार्थ पुरूषको मेरूदण्ड र महिलाको छातीको हड्डीको बीचबाट निस्कन्छ ।
८. यदि अल्लाह उसको सृष्टि यस महत्त्वहीन तरल पदार्थबाट गर्न सक्नुहुन्छ भने उसको मृत्युपश्चात हिसाब लिन र बदला दिनका निम्ति पुनः जीवित पार्न सक्नुहुन्छ ।
९. जब रहस्यहरू प्रकट हुन्छन्, तिनीहरूको मनमा लुकेका गोप्य नियत, विश्वास र आदि प्रकाशमा आउनेछन् अनि त्यसमध्ये असल र दुष्टको बीचमा भिन्नता छुट्याउन सकिनेछ ।
१०. त्यसदिन मनुष्यले अल्लाहको यातनाबाट बच्ने शक्ति राख्नेछैन र उसले कोही सहयोगी पनि पाउने छैन ।
११. अल्लाहले पानी भएको आकाशको कसम खानुभयो जसबाट वर्षा आउँछ किनकि समय-समयमा त्यहाँबाट पानी पर्छ ।
१२ अनि उहाँले धर्तीको कसम खानुभयो किनकि त्यहाँबाट बिरूवा, फलफूल र रूखहरू उम्रन्छ ।
१३ वास्तवमा, मुहम्मद (सल्लल्लाहु अलैहि व सल्लम) माथि अवतरित कुर्आन सही र गलत अनि सत्य र झूठबीच फरक छुट्याउने वाणी हो ।
१४. यो खेल वा असत्य होइ बरू गम्भीरता र सत्य हो ।
१५. वास्तवमा, जो उनीहरूका रसूलहरूले ल्याएको सन्देशलाई नकार्छन् उनीहरू तिनीहरूको आह्वानलाई रोक्न र त्यसलाई रद्द गर्न धेरै षडयन्त्र गर्छन् ।
१६. तर म धर्मलाई माथि उठाउने र झूठलाई नष्ट पार्ने योजना बनाउँदैछु ।
१७. हे रसूल (सल्लल्लाहु अलैहि व सल्लम) ! यी काफिरहरूलाई समय दिनुहोस् । उनीहरूलाई थोरै समय दिनुहोस् र उनीहरूको यातना र विनाशमा हतार नगर्नुहोस् ।
टिप्पणियाँ
एक टिप्पणी भेजें