९९) सूरह अज़-ज़िल्जाल

शुरू अत्यन्त करुणामय परम दयालु अल्लाहको नामबाट

१. जब धर्ती हिंसक रूपले हल्लाइनेछ र यो कयामतको दिन हुनेछ ।

२. अनि धर्तीले आफू भित्र रहेका मृतकहरू र अन्य सबै कुरालाई बाहिर निकाल्नेछ ।

३. मनुष्यले अचम्भित भएर सोध्नेछन्- धर्तीलाई यो के भएको, किन यसरी हल्लिरहेको छ ?

४. त्यस महान दिनमा धर्तीले ऊमाथि भएका राम्रा र नराम्रा कामहरूलाई बताउनेछ ।

५. वास्तवमा, अल्लाहले त्यसलाई सिकाउनुभएको र यसको आदेश दिनुभएको हुनेछ ।

६. त्यस महान दिन जब धर्ती अत्यन्तै काम्नेछ, मानिसहरू हिसाबकिताबको ठाउँबाट संसारमा उनीहरूले गरेका कामहरूलाई हेर्न समूह समूहमा आउनेछन् ।

७. जसले सानो कमिलाको तौल जति सत्कर्म गरेको छ भने उसले आफ्नै आँखा अगाडि देख्नेछ ।

८. अनि त्यति नै पाप गरेको छ भने त्यो पनि देख्नेछ ।

इस ब्लॉग से लोकप्रिय पोस्ट

७५) सूरह अल्-कियामह

शुरू अत्यन्त करुणामय परम दयालु अल्लाहको नामबाट १. अल्लाहले कयामतको दिनको कसम खानुभयो जुन दिन मानिसहरू सम्पूर्ण जगतका पालनकर्तासमक्ष उभिनेछन् । २. उहाँले राम्रो आत्माको कसम खानुभयो जो स्वयंलाई सत्कर्ममा कमी गरेको र नराम्रो काम गरेको भनी निन्दा गर्छ । उहाँले यी दुई कुराको कसम खानुभयो मानिसहरूलाई पुनः जीवित पार्नुहुन्छ भन्ने कुरालाई प्रमाणित गर्न । ३. के मनुष्यलाई लाग्छ, उसको मृत्युपश्चात हामी उसका हाडहरूलाई पुनः जीवित पार्नका निम्ति एकत्रित गर्ने छैनौं ?! ४. अवश्य, हामी त्यसलाई जम्मा पार्नुका साथै उनीहरूका औँलाहरूलाई पहिले जस्तै पूर्ण रूपले बनाउने सामर्थ्य राख्दछौं । ५. तर भविष्यमा प्रतिरोध बिना आफ्नो पापमा लिप्त रहनको लागि मनुष्य पुनः जीवित हुने कुरालाई नकार्छ । ६. उनीहरू कयामतको दिनलाई असम्भव ठानेर सोध्छन्- त्यो कहिले आउनेछ ? ७. अनि आँखाहरू तिरमिराउने र भयभीत हुनेछन् जब झूठो ठहर गर्ने गरेको कुरालाई देख्नेछन् । ८. चन्द्रमाको प्रकाश हराउनेछ । ९. चन्द्रमा र सूर्यलाई एकत्रित पारिनेछ । १०. त्यसदिन पापीले भन्नेछः भाग्ने ठाउँ कहाँ छ ? ११. त्यसदिन भाग्ने ठाउँ नै हुनेछैन । अनि पापीले शरण...

७३) सूरह अल्-मुज्ज़म्मिल

शुरु अत्यन्त करुणामय परम दयालु अल्लाहको नामबाट १. हे आफ्नो लुगामा बेरिएर बसेको व्यक्ति [अर्थातः नबी (सल्लल्लाहु अलैहि व सल्लम)] । २. रातको केही पहरबाहेक सलाह पढ्नुहोस् । ३. यदि तपाईं चाहनुहुन्छ भने आधा रात सलाह पढ्नुहोस्, वा त्यसभन्दा अलि कम समयमा सलाह पढ्नुहोस् जुन तीन भागको एक भागसम्मको होस् । ४. वा त्यसमा अलि बृद्धि गरेर तीन भागको दुई भाग जति सलाह पढ । कुर्आनलाई स्पष्टसँग र बिस्तारै पाठ गर्नुहोस् । ५. हे रसूल (सल्लल्लाहु अलैहि व सल्लम) ! हामी तपाईंमाथि कुर्आन अवतरित गर्नेछौं जुन एउटा भारी वाणी हो किनकि त्यसमा अनिवार्य कामहरू, दण्ड, आदेशहरू र राम्रा आचरणहरू आदि उल्लेख छन् । ६. वास्तवमा, रातका पहरहरूमा मुटु पाठको लागि बढी तयार हुन्छ र धेरै राम्रो उच्चारण हुन्छ । ७. वास्तवमा, तपाईं दिनमा आफ्नै व्यवसायमा व्यस्त हुनुहुन्छ जसले गर्दा तपाईं कुर्आनको पाठ गर्न सक्नुहुन्न । तसर्थ तपाईं रातमा सलाह पढ्नुहोस् । ८. अनि विभिन्न तरिकाहरूमा अल्लाहको गुणगान गर्नुहोस् । पूर्ण रूपमा उहाँको लागि समर्पित भई उहाँको मात्र उपासना गर्नुहोस् । ९. उहाँ पूर्व र पश्चिमका पालनकर्ता हुनुहुन्छ । उहाँबाहेक कोही ...

८२) सूरह अल्-इन्फितार

शुरु अत्यन्त करुणामय परम दयालु अल्लाहको नामबाट १. जब फरिश्ताहरू आउनका निम्ति आकाश चर्किनेछ । २. जब ताराहरू झरेर छरिनेछन् । ३. जब समुद्रहरू एक आपसमा मिल्नेछन् र मिश्रित हुनेछन् । ४. चिहानहरूमा रहेका मृतकहरूलाई पुनः जीवित पार्नका निम्ति त्यसलाई उल्टो पारिनेछ । ५. त्यस क्षणमा, प्रत्येक आत्माले उसले गरेका कामहरू र उसले पूरा नगरेका कार्यहरूको बारेमा सचेत हुनेछ । ६. हे मनुष्य जो आफ्नो पालनकर्तालाई मान्दैनौ, तिमीलाई यातना दिन हतार नगरी आफ्नो कृपाबाट तिम्रो पालनकर्ताले तिमीलाई अवसर प्रदान गर्नुभएको बेला कसले तिमीलाई उहाँको आदेशलाई नमान्न बहकायो ?! ७. जसले तिम्रो अस्तित्व नै नभएको बेला तिम्रो सृष्टि गर्नुभयो र तिम्रा अङ्गहरूलाई राम्ररी आकार दिनुभयो । ८. जुन रूप चाहनुभयो उहाँले तिम्रो सृष्टि गर्नुभयो । तिमीलाईं गधा, बाँदर, कुकुर आदिको रूपमा सृष्टि नगर्नु तिमीमाथि उहाँको कृपा हो । ९. हे धोखा खाएकाहरू ! वास्तविकता तिमीहरूले सोँचे जस्तो होइन । बरू तिमीरू बदला दिइने दिनलाई नकार्छौ र त्यसको लागि तयारी गर्दैनौ । १०. वास्तवमा, तिमीहरूमाथि फरिश्ताहरू छन् जो तिमीहरूका कर्महरूलाई सुरक्षित गर्छन्...

पवित्र कुरआनको संक्षिप्त व्याख्या (नेपाली भाषामा अनुवादित)

यह ब्लॉग खोजें