६१- सूरह अस्-सफ

शुरू अत्यन्त करुणामय परम दयालु अल्लाहको नामबाट

१. आकाशहरू र पृथ्वीमा रहेका सम्पूर्ण सृष्टिहरू अल्लाहको गुणगान गर्छन र असुहाउँदो कमिकमजोरीबाट उहाँको पवित्रताको वर्णन गर्छन् । उहाँ अति शक्तिशाली हुनुहुन्छ, उहाँलाई विजय पार्ने कोही छैन । उहाँ आफ्ना सृष्टि, शरीअत र भाग्य लेख्नमा तत्वदर्शी हुनुहुन्छ ।

२. हे अल्लाहमाथि आस्था राख्नेहरू ! हामीले यो गर्यौं भनेर तिमीहरू किन भन्छौ जब वास्तवमा, तिमीहरूले त्यो काम गरेको हुँदैन । तिमीहरूमध्ये कसैले भने जस्तैः मैले आफ्नो तरबारले युद्ध गर्यौं र त्यसबाट हिर्कायौं । वास्तवमा, उनीहरूले युद्ध गरेनन् र हिर्काएनन् ।

३. तिमीहरू स्वयं नगर्ने काम भन्ने कुरा अल्लाहको नजरमा अति घृणित रहेको छ । मोमिनलाई अल्लाहप्रति इमानदार हुनु शोभा दिन्छ अर्थात उसका शब्दहरू र उसका कार्यहरूमा समानता हुनुपर्दछ ।

४. अल्लाहको मार्गमा पङ्क्तिबद्ध भई / लाम लागी एक अर्काको काँधमा काँध मिलाई एकसँग अर्को जोडिएर बनेको पर्खाल सरह अल्लाहको प्रसन्नता प्राप्तिको लागि युद्ध गर्ने मोमिनहरूलाई मन पराउनुहुन्छ ।

जब अल्लाहले युद्धको उल्लेख गर्नुभयो र आफ्नो लागि युद्धमा सामेल भएका मोमिनहरूको प्रशंसा गर्नुभयो तब उहाँले मोमिनहरूलाई आफ्नो नबी (सल्लल्लाहु अलैहि व सल्लम) को अवज्ञा गर्नबाट चेतावनीको लागि मूसा र ईसा (अलैहिमस्सलाम) का समुदायले आफ्ना दुबै रसूलको अवज्ञा गरेको कुराको उल्लेख गर्नुभयो । उहाँले भन्नुभयोः

५. हे रसूल (सल्लल्लाहु अलैहि व सल्लम), त्यस समयलाई सम्झनुहोस् जब मूसा (अलैहिस्सलाम) ले आफ्नो समुदायलाई भनेः हे मेरो समुदाय ! तिमीहरू मेरो आदेशको उल्लङ्घन गरी किन मलाई सताउँछौ ? वास्तवमा, तिमीहरूलाई थाहा छ, म तिमीहरूको लागि रसूल हुँ । तर जब उनीहरू उनले ल्याएको सन्देशबाट विमुख भए परिणाम स्वरूप अल्लाहले उनीहरूको हृदयलाई सत्य र सदाचारिता स्वीकार्नबाट टाढा पार्नुभयो । अल्लाहको अनुसरण नगर्नेहरूलाई उहाँ सत्यको मार्गदर्शन गर्नुहुन्न ।

६ हे रसूल (सल्लल्लाहु अलैहि व सल्लम), त्यस समयलाई सम्झनुहोस् जब ईसा बिन मर्यम (अलैहिमस्सलाम) ले भनेः हे इस्राईलका सन्तानहरू हो ! वास्तवमा, म अल्लाहको रसूल हो । उहाँले मलाई तिमीहरूतिर तौरातको पुष्टि गर्न पठाउनुभएको छ । म पहिलो रसूल होइन । उहाँले मलाई मपछि आउने रसूलको सुभ-सूचना दिन पठाउनुभएको छ जसको नाम अहमद हुनेछ । जब ईसा उनीहरूसमक्ष आफ्नो सत्यताको स्पष्ट प्रमाणहरू लिएर आए, उनीहरूले भनेः यो त प्रष्ट जादू हो, हामी यसको अनुसरण गर्नेछैनौं ।

७. अल्लाहको विषयमा झूठो बोल्ने व्यक्ति बाहेक कोही बढी अत्याचारी छैन किनकि उसले उहाँका साझेदार ठहर गरे र अल्लाहलाई छाडी उनीहरूको उपासना गर्छन् । वास्तवमा, उसलाई इस्लामतिर बोलाइन्छ जुन एकेश्वरवादको धर्म हो । शिर्क र अवज्ञा गरी आफूमाथि अत्याचार गर्नेहरूलाई अल्लाह मार्गदर्शन र सदाचारिताको प्राप्त गर्न सहयोग गर्नुहुन्न ।

८. यी झूठाहरू अनुचित कुरा गरी र सत्यको विषयमा भ्रम उत्पन्न गरेर अल्लाहको प्रकाशलाई निभाउन खोज्छन् । तर अल्लाह आफ्नो धर्मलाई पूर्व देखि पश्चिमसम्म फैलाई र त्यसको वाणीलाई उच्च पारी आफ्नो प्रकाशलाई पुरा गर्नुहुनेछ यद्यपि यिनीहरूलाई मन नपरोस् ।

९. अल्लाह ले नै मुहम्मद (सल्लल्लाहु अलैहि व सल्लम) लाई इस्लाम धर्म अर्थात भलाईको लागि मार्गदर्शन गर्ने, फाइदा दिने ज्ञान र सत्कर्मको धर्म दिएर पठाउनु भएको हो । परिणाम स्वरूप उहाँले सम्पूर्ण धर्महरूमाथि यसलाई राख्नुहुनेछ । यद्यपि यो मुश्रिकहरूको इच्छा विरूद्ध किन न होस् जो यस धर्मले धर्तीमा अधिकार प्राप्त गरेको देख्न सक्दैनन् ।

१०. हे अल्लाहमाथि आस्था राख्नेहरू र उहाँका आदेशको अनुसरण गर्नेहरू ! के म तिमीहरूलाई फाइदा दिने व्यापारको विषयमा बताउँ, जसले तिमीहरूलाई पीडादायक यातनाबाट मुक्त गर्नेछ ?

११. फाइदा दिने व्यापार भन्नुको तात्पर्य तिमीहरूले अल्लाह र उहाँका रसूल (सल्लल्लाहु अलैहि व सल्लम) माथि आस्था राख्नु र उहाँको प्रसन्नता प्राप्तिको लागि उहाँको मार्गमा आफ्नो धन खर्च गरेर र आफूलाई खपाएर संघर्ष गर । यदि तिमीहरूलाई थाहा छ भने उल्लेख गरेको यो कार्य तिमीहरूको लागि उत्तम रहेको छ । तसर्थ त्यसको लागि हतार गर ।

१२. यस व्यापारको फाइदा भनेको अल्लाहले तिमीहरूको पापलाई क्षमा गर्नुहुनेछ, तिमीहरूलाई बगैंचाहरूमा प्रवेश गराउनुहुनेछ जसका महलहरू र रूखहरूको तलतिरबाट नदी बगिरहेको हुनेछ र तिमीहरूलाई बगैंचाहरूका उत्तम घरहरूमा बसाउनुहुनेछ जो सदाको लागि रहनेछन् । यो उल्लेख गरिएको बदला ठूलो सफलता हो जुन अतुलनीय रहेको छ ।

१३. यस व्यापारिक फाइदाका अन्य विशेषताहरू छन् जसलाई तिमीहरूले मन पराउँनेछौ र त्यसलाई ढिला नगरी संसारमा दिइनेछ । अर्थात अल्लाहले तिमीहरूलाई शत्रुको विरूद्धमा सहयोग गर्नुहुनेछ र चाँढै नै तिमीहरूलाई विजय प्रदान गर्नुहुनेछ र त्यो हो मक्काको विजय लगायत अन्य विजय । हे रसूल (सल्लल्लाहु अलैहि व सल्लम) ! मोमिनहरूलाई खुशी पार्ने अर्थात संसारमा प्राप्त हुने सहयोग र आखिरतमा विजय स्वरूप स्वर्ग पाउने सूचना उनीहरूलाई दिनुहोस् ।

१४. हे अल्लाहमाथि आस्था राख्नेहरू र उहाँले दिनुभएका आदेशहरूको पालना गर्नेहरू ! अल्लाहको धर्मको सहयोग गरी अल्लाहको सहयोगी बन जुन तिमीहरूका रसूल (सल्लल्लाहु अलैहि व सल्लम) ले ल्याउनुभएको हो । हवारीहरूको सहयोग सरह जब ईसा (अलैहिस्सलाम) ले उनीहरूले सोधेः अल्लाहको लागि मेरा सहयोगीहरू को हुन् ? उनीहरूले जवाफ दिएः हामी अल्लाहका सहयोगी हौं । तसर्थ ईसा (अलैहिस्सलाम) माथि बनी इस्राईलको एउटा समूहले आस्था राखे र अर्को समूहले उनलाई मान्न इन्कार गर्यो । तसर्थ ईसामाथि आस्था राख्ने समूहलाई हामीले उनलाई इन्कार गर्ने समूहको विरूद्ध सहयोग गर्यौं, परिणाम स्वरूप उनीहरूले उनीहरूलाई पराजित गरे ।